CRutOgQUYAADOvz

New coachito of Super Eagles of Naija Sunday Ogorchukwu Oliseh don finally hear all Naija pikin cry to sonch Obafemi Martins calling to helep Super Eagles come dey tear net as hin dey do am for Seattle Sounders wey dey tap ball for USA league, MLS.

Naija go follow Swaziland wear on trouser for 2018 World Cup Qualifier wey go shele next month and hin need sabi players wey go carry de country go Russia wit no wahala.

E don tey wey Martins don wear Naija jersey tap ball for hin country but de guyman still get goalscoring sabiness inside am as hin no dey dull tear net for hin USA club. Na wetin make Oliseh get confido inside am to come replace Emmanuel Emenike wey yarn say hin don retire comot from international football.

Oliseh also sonch Hope Akpan calling and hin no forget add goalie Carl Ikeme, Victor Moses plus including John Obi Mikel for de list.

NA THE FULL LIST BE DIS:

Goalie keepers: Carl Ikeme (Wolverhampton Wanderers, England); Ikechukwu Ezenwa (Sunshine Stars); Dele Alampasu (Club de Sportivo Feirense, Portugal)

Defenders: Abdullahi Shehu (Uniao da Madeira, Portugal); Kalu Orji (Enyimba FC); Elderson Echiejile (AS Monaco, France); Chima Akas (Sharks FC); Leon Balogun (FSV Mainz, Germany); Godfrey Oboabona (Caykur Rizespor, Turkey); Efe Ambrose (Celtic FC, Scotland); Austin Oboroakpo (Abia Warriors)

Midfielders: Ogenyi Onazi (SS Lazio, Italy); Paul Onobi (Sunshine Stars); John Mikel Obi (Chelsea FC, England); Rabiu Ibrahim (AS Trencin, Slovakia); Wilfred Ndidi (KRC Genk, Belgium); Sylvester Igbonu (FC UFA, Russia)

Forwards: Ahmed Musa (CSKA Moscow, Russia); Moses Simon (KAA Gent, Belgium); Odion Ighalo (Watford FC, England); Ezekiel Bassey (Enyimba FC); Alex Iwobi (Arsenal FC, England); Obafemi Martins (Seattle Sounders, USA)

 

Leave a Reply