image

Aswear, all man go think say na plan work to flush Naija comot from All-Africa Games yesterday as dem take waya we two teams for de football level.

We Dream Team VI wey be say na Samson Siasia be de coaching lose to Burkina Faso 3-1. Na very tough game for we players as dem no fit follow the Burkina Faso pikin dem drag for most levels for de match.

Dem even see two players wey wounjur inside de match, Umar Aminu comot for Kingsley Sokari of Enyimba and Ndifreke Effiong sef comot for Mustapha Abdullahi becos of wounjur as dem still dey dull dem sef in front of post join.

Na real bad market for Naija as Seth Sincere first helep Burkina Faso tear net for 12 minutes. Umar Kabore com pour sand sand for de garri for 73 minutes make am 2-kondo. Etor Daniel later cancel de kondo for De Dream Team VI but Arba Dicko close shop for de Siasia boys 3 minutes after dat one. Naso dem chop 3-1.

Naija go follow Congo U23 wey chop am for Senegal hand wear one trouser for 3rd Place match to take know pesin wey go chop Bronze medal.

For Super Falcons end, na anoda sorry case o. Naso dem sef fall hand as Cameroon kpokpo dem 2-1..

Leave a Reply